Dekho inhein yeh hain oas ki boondein
Patton ki god mein aasmaan se koodein
Angdayee lein phir karwat badal kar
Nazuk se moti hans de phisal kar

Kho na jaaye ye taare zameen par

Yeh to hain sardi mein dhoop ki kirane
Utarein jo aangan ko sunhera sa karne
Mann ke andheron ko roshan sa kar dein
Thithurti hatheli ki rangat badal dein

Kho na jaaye ye taare zameen par

Jaise aankhon ki dilbiya mein nindiya
Aur nindiya mein meetha sa sapna
Aur sapne mein mil jaaye farishta sa koi
Jaise rangon bhari pichkari
Jaise titliyan phoolon ki kyari
Jaise bina matlab ka pyara rishta ho koi

Yeh to aasha ki lehar hain
Yeh to ummeed ki sehar hain
Khushiyon ki nehar hai

Kho na jaaye ye taare zameen par

Dekho raaton ke seeney pe yeh toh
Jhilmil kisi lau se ugey hai
Yeh to ambiya ki khushboo hain
Baagon se beh chale
Jaise kaamch mein choodi ke tukde
Jaise khiley khiley phoolon ke mukhdey
Jaise bansi koi bajaye
Pedon ke taley

Yeh to jhonke hain pawan ke
Hain yeh ghungharoo jeewan ke
Yeh to sur hain chaman ke

Kho na jaaye ye taare zameen par
Muhalley ki raunak galiyan hain jaise
Khilney ki zid par kaliyan hain jaise
Mutthi mein mausam ki jaise hawayein
Yeh hai buzurgon ke dil ki duwuyein

Kho na jaaye ye taare zameen par

Kabhi baatein jaise dadi nani
Kabhi chalkein jaise mum mum paani
Kabhi ban jaaye bhole sawaalon ki jhadi
Sannatey mein hansee ke jaise
Sooney hothon pe khushi ke jaise
Yeh to noor hain bares gar teri kismet ho badi

Jaise jheel mein lehraye chanda
Jaise bheed mein apne ka kandha
Jaise manmauji nadiya jhaag udaye kuch kahe
Jaise baithe baithe meethi si jhapki
Jaise pyar ki dheemi si thapki
Jaise kaanon mein sargam hardam bajti hi rahe
Jaise barkha udati hai bundiya …